माया का प्रबल  दल --

मोह  न अंध  कीन्ह कहु  केही ।
को जग काम  नचाव  न जेही । ।
         तृष्ना केही न कीन्ह बौराहा  ।
          केहि   के ह्रदय  क्रोध  नहि  दाहा । ।
ज्ञानी, तापस,  सुर - कवि , कोविद,  गु न आगार ।
केहि  के लोभ बिडंबना , कीन्ह न यहि  संसार । ।
             श्री - मद  वक्र न कीन्ह  केहि ,प्रभुता बधिर ना  काहि ।
              मृग- लोचनि  के नयन - सर, को अस लाग  न जाहि  । ।
गुन - कृत-सन्निपात  नहि  केही ।
को  न   मान - मद  भयहु निमेहि । ।
                जौवन -ज्वर केही नहीं  बल कावा ।
                 ममता केहि कर जस न   नसावा    । ।
मत्सर  काहि  कलंक न लावा ।
काहि  न सोक -समीर डुलावा । ।
                  चिंता- साँपिनि  काहि  न खाया ।
                   को जग जाहि  न  व्यापी माया । ।
कीट-मनोरथ ,    दारु  सरीरा ।
जेहि न लागि घुन  को अस  बीरा । ।
                   यह  सब माया कर  परिवारा ।
                   प्रबल  अमित को बरनै  पारा । ।